吱喳鼠's profile☆※★無聊無聊勁無聊★※☆PhotosBlogListsMore  |  Tools Help |
|
July 10 飲飲食食難得星期六唔駛返工，所以攪左個東門一日遊．係上水火車站等的時間，見到好多奇景呀～～好多婆仔帶貨返上去，個個都大大袋，有奶粉，椰果，有好多綠色的粉（唔知咩黎架）最可惡就係好多人衝閘，都唔知有有冇攪錯呀，企係度一陣就已然好多人衝呀衝呀，最好笑就係各人有唔同勇闖的方法，職員守左邊，佢地就闖右邊，點解宜加ｄ人咁架！
 上到去當然食左飯先啦，我地去一間酒店食自助餐，尼間野係同事推介的，環境一流，野食好唔錯，＄３８加一尼個水位相當得呀  我地四個人去到一個人都冇，可以任坐，之後就梗係搵食啦，成班餓鬼一見野食就去攞，點知俾人話未夠鈡，様衰啦！食飽飽去行街，買左個枕頭，想買好耐架喇，今日終於買到．酣之後又再做一次文化人，又有收穫喇，當日間書店有新花臣呀，買兩本就可以入會，之後仲有９５折呀，我上次買的其中一本仲要做緊八折添呀，嘔血呀！ 行完就去按摩，又係同事介紹的，又唔錯喎，如果閒日去就好抵，＄５０三個鈡，星期六日就貴少少，但手勢都幾好，４個人按３個都話幾好，只有１個話唔得，唔得係因為佢俾人攪呀，下次醒少少喇，將ｄ重要野放埋一邊嘛，唔好周圍攞，阻住人呀！（同事話如果按中穴位，當時係會好鬼痛，就算按完之後輕輕摸下都會覺得痛，但休息一兩日之後就會覺得鬆晒，所以要忍一忍當時唔舒適的感覺．同事當初都好似俾人打完一身咁架，但真係一兩日之後就好得喇）  晚飯去左鼎ｘｘ度食，嘩～～～唔得啦，又貴又唔好食，黑店呀，間野賣個名架咋．之後我去地再去食腸粉，粥，又平又好味. 一日話咁快就過喇，經過今日發現左一様野，完來有人ｄ煲冬瓜～～～勁呀，又聾又啞． TrackbacksThe trackback URL for this entry is: http://keikei28.spaces.live.com/blog/cns!75204D803D7340B5!284.trak Weblogs that reference this entry
|
|
|
