☆※★無聊無聊勁無聊★※☆

阿伯又有夜生活～

４壯士今晚夜蒲去 喎～（２１：ｘｘ先開始楂車去，好似話釣到有魚為止喎，即係通頂啦，好在我冇同你地顛咋）

去邊樹釣～欣澳喎～望落風景都幾靚

瞓之前打俾阿伯，佢話學仲緊鈎魚餌喎～吓，唔係呀，十二點架喇喎，仲未開始呀？

我登朋友仔就慘囉～成晚都要幫兩個ｘｘ（除意自己發揮啦）整尼整路，攪到冇乜時間釣，係咪有多多後悔帶埋佢地去呀？

薯不知，我的伯伯第一個有魚魚呀，仲要好大條呀，俾十個叻你啦～（真係好大條架）

至於伯伯傑釣到果條～～嘩～～大到丫

(為咗朋友仔的顏面，都係打佢格仔好ｄ）

成晚流流長，４個伯伯就只有尼兩條魚魚～坐成晚～～～～都係唔好攪我，我同周公子吹吓水好喎。

經常都腰酸背痛的我，好想好想搵人幫我按摩，咁肥野久唔久都會幫吓我 （但ｄ力度梗係．．．．不過講真又ｏｋ舒服）

諗吓諗吓都唔係辦法，一黎我唔係日日見到肥野，二黎佢冇尊業訓練。

點都係搵個間舖頭好ｄ，但我尼個孤寒鬼，見到咁貴，一定唔會去啦，吓吓都要二三百蚊，唔化算嘛，仲要唔係九龍就香港，來來回回車錢唔少啦。

今日俾我發現大埔有間做全身按摩架，（其實都知咗好耐架喇，不過冇膽入去啫）＄９９咋仲有ｓｐａ送（尼個當然係試做價啦）我咪走去試吓囉。

一入去，就有個講唔正廣東話的阿姐（佢地係泰國人）俾咗３樣野我，咩黎？紙底橫，紙爸爸，紙浴帽囉（我係第一次見紙爸爸架咋吓）

換好晒之後果個阿姐又入黎喇，佢就ｓｅｔ咗個計時器，跟住就叫我瞓低，原來佢就係按摩師喇～

俾佢按咗一輪都覺得幾舒服，佢好有心機，冇偷懶，係咁問我尼度痛唔痛，係咪好倦，最後佢問我按唔按肚～我話．．．．．佢話．．．．．好啦好啦

一按我就梗係縮啦，好鬼痕丫嘛，再按，我個肚．．．撞鬼囉，叫喎，無事無事，再黎再黎，點知．．．又叫呀，想點呀！！！阿姐同我講，小姐你都好多風喎，條腸好實／硬喎（唔記得咗）係咪去得唔係幾好呀？得閒飲多ｄ水，食ｄ容易去厠所的食物．．．．．

多風丫嘛！　咪咁啦～再按．．又叫。

夠鐘之後，佢地帶我去做ｓｐａ，但其實我都唔知有咩好，坐係個按摩浴缸度之嘛，我又唔覺得好ｒｅｌａｘ喎，我只係覺得好(線)咋，坐唔定咁囉。

攪掂換番衫之後，佢地就叫我入房坐吓先～入房，一定又係開始ｓｅｌｌ你啦。

真係呀，不過又唔係好迫你，其實我都一心諗住唔係貴都會做架喇，咁個價錢都好合理，開１０次啦，（最少要買１０次嘛）１０次按摩仲有５次ｓｐａ送，好啦～我見間舖 就到，好方便我，俾錢啦。

肥野，你可以唔駛幫我喇，係咪好開心呢

迪士妮好玩之旅－３　

終於有喇~(我估大家都唔記得架喇 )

由於相機冇晒memony，只好用手機頂住檔， 好在都影到。

當晚煙花表演，好睇指數

睇睇吓覺唔覺好似大煙大火到好似想燒咗個城咁呢

其實仲有一個表演影咗俾大家睇架，等我遲少少ｕｐｌｏａｄ埋，再俾大家睇吓～ 尼排忙丫嘛～等吓啦～（不過可能冇人想睇 ）

咁我個迪士妮好玩之旅就可以大功告成喇。

話說等咗好耐的哈利3D電影終於係２４號睇咗喇～

一早同肥野去書展打個轉，扮晒有文化先。之後等埋皇太后就出發去ｍｅｇａ　ｂｏｘ。

今日ｍｅｇａ　ｂｏｘ唔通有金執，坐免費巴條龍長到離晒譜呀～

講番間戲院先，個螢幕好鬼大，ｄ位都幾好坐，行與行之間高度都夠，唔會因為前面個人高阻鬼住嘛。

原來開場前（以前廣告位時段），會有段聲帶講吓一陣幾時要帶眼鏡架，有咩唔舒服要出聲架．．．．我有個朋友仔睇果時一定係遲到啦，如果唔係點會．．．．．．．．．．．

套戲我覺得比較悶咗ｄ囉，３D部份，我覺得米老鼠個度好睇ｄ，迫正ｄ，整體黎講．．．．未去過去一次都冇壞咁囉。

睇完之後食咗客家野，都幾好味，個碟豬手好正呀。食飽飽行一陣就返屋企囉。

（影咗ｄ相，自己ｃｌｉｃｋ入條ｌｉｎｋ度睇啦）

http://www.slide.com/r/kAkuGCCj4D819IWzxBUlN8AXalwwRb5u?previous_view=mscd_embedded_url&view=original

係屋企唔知做乜好，我又做 。

上次整得唔係幾靚，今次我要再試過．．．我唔信我咁聰明會做唔到～

今日整朱古力 ，我仲加咗杏仁碎落去架。

做法咪又係放晒ｄ野落去 ，跟住開 又攪，之後放入去做個桑拿咪囉。

超易囉！ 簡直侮辱我的智慧

 今次我冇放咁多落去喇

整個過程連　 　都只係用咗九個字，係咪快先？今次好成功呀～～

有一日講開3D戲院，我家的皇太后話點都應該去睇一次喎。

咁我就突然 ，不如同皇太后去睇啦，反正我咁大個女都冇請過佢睇戲。

要睇3D當然要去IMAX啦。等我上網訂位先。 　我地睇哈利波特 － 鳳凰會的密令 (IMAX 3D英語版)

可以預售到月尾呀，但好多靚位都俾人買咗喇，冇理由是但買架嘛，要錢架....話晒都成舊水一張架嘛。咁好啦，我請半日假同皇太后去睇啦，睇完仲可以順便陪佢行吓ｍｅｇａ　ｂｏｘ，等佢做吓潮人先。

我買咗２４號16:10呀，坐住係J１１－１３（點解３張飛．．．．我同埋肥野一齊陪皇太后睇嘛）

肥野話我請睇戲，佢請食飯呀～好 果一日呀！

７月５號～影相全程我都超好彩呀，點解．．．慢慢睇啦。

約咗９：４５影相，一早起身，作死囉．．．駛唔駛咁緊張呀，一早起身就 ，我平時冇尼個習慣架嘛。

出到去等咗一陣ｔ．ｓｏ幫我化妝，佢真係好好人呀，勁細心，化咗好鬼耐呀，我對眼係好好好難化架，佢都可以攪到我好精靈（現場睇係囉，影出黎係點就唔知喇）我隔離果ｄ走晒我都未得呀，我仲要聽到佢地ｃａｌｌ話＜ｔ．ｓｏ　１１：３０ｊｏｂ到＞我就心諗，吓．．乜咁晏架喇，我仲未ｓｅｔ好個頭喎）

化好之後我終於見到阿ｌａｍ喇，仲有一個助手，（ｌａｍ介紹尼個人時話，佢其實係一個攝影師黎架，但人手問題所以佢幫住我地先）即係話我有２個攝影師囉～嘩～～我好威呀！

首先上咗去茶坐果度影，得我地一ｐａｉｒ係度咋，仲好好 ，熱到我地流晒汗呀，仲要麻煩助手幫我地抺汗添。影之前其實我俾咗之前果２輯相佢睇，我又講過唔要ｓｔａｎｄａｒｄ野，咁又真係唔多ｓｔａｎｄａｒｄ喎。

影完之後，開始有雨，但我換完衫之後冇雨喎，我地咪影教堂果ｄ室外境囉，影影吓順路又走咗去室內，一入去咋，出面就倒水咁喇。

影影吓ｌａｍ俾人叫咗出去，我仲以為要ｓｈａｒｅ攝影師，所以俾人ｃａｌｌ走左添，點知佢返入黎就到助手走喎，我見得番ｌａｍ，我就問喇．．．．

我：ｅ．．點解得你番一個？

攝：係呀，佢有野做 。

我：哦，咁即係得你一個幫我囉？咁咪好辛苦？

攝：（笑咗一笑）其實我今日係放假架，但我番咗黎影，咁咪唔夠人囉，我地偏人數返工係啱啱好架，咁我返黎，咪即係多咗個人，又即係等於少咗一個人囉。

我：（冇出聲，但心諗，咁我都幾好彩喎，你放假都特登返黎同我影，因為我之前落ｂｏｏｋｉｎｇ係ｍａｒｋ阿ｌａｍ影架，，所以我都唔係好明點解佢會咁）新天地不嬲做法都唔會應承實你一定係俾ｍａｒｋ果過你，佢地只有答你盡量安排。

又影咗一輪之後，我地就影埋室外果ｄ，之後又去影室內，仲之就走圍走啦。

又唔知點解，我影邊間房都只係得我地一ｐａｉｒ，但我見其他人係要ｓｈａｒｅ房架～

阿ｌａｍ真係好好心機架，佢同我地影一張相的時間，等於人地影３張的時間，所以我覺得佢好細心囉。仲同我地係咪講野。

今日的好彩係

１．所有落雨的時間我都係影緊室內

２．阿ｌａｍ本來今日放假，但唔知點解會返咗黎同我影

３．朝早有個攝影師做我助手

４．本來得３個造型（２婚紗，１民族）但我居然多咗一個造型喎（有３婚紗造型呀）

５．今日有好多唔同嘅助手ｓｅｒｖｅ我，個個都好好人

其實整個新天地影相之行，我都真係１０級好彩

首先落單我撞到個好好人的ｓａｌｅｓ，可能佢高級ｄ啦，所以好多野都可以鬆手少少俾我。

跟住試衫果日，我又玩得好開心啦

到今日影相，又係超級好彩。

唔知揀相果日好運會唔會仲係咁跟住我呢?

我覺得今日好開心呀，阿ｂｅ又好合作喎，見到佢熱成咁，我都有少少鄧佢辛苦，不過冇法啦，頂住呀～ （今日我都知你冇乜點食野，只係我轉妝時食咗個杯麵咋）

如果ｄ相唔靚，我諗都只會係我表現得唔好。佢成鬼日要我見牙笑呀～～～我都唔興咁笑，死啦，個樣唔知會唔會好怪添呀！

今晚我要做

早幾日咪買咗ｄ預伴粉返屋企，今晚整啦。

點知．．．．我睇唔明呀，個袋寫ｄ唔寫ｄ，好在有栢琪咋。真係多謝你呀～

成個過程其實都好快，只係將ｄ材料 攪埋一齊就得喇。

但今次出現咗個少錯誤，我放多咗落個杯度呀，一焗就出事喇，嘔晒出黎呀～

做人呢．．．．．唔可以太貪心．．．．

　你睇就爆出黎喇

完成　超醜樣～但好味

我居然攪錯咗一ｄ量度的單位，栢琪睇怕俾我激死喇

食落唔知點解有蕉味？？奇怪 ？？！！

我下次知點做架喇。

Anya Hindmarch （I’m Not A Plastic Bag）－－英國售價只是5英鎊兼限量發行，所以一推出即掀起搶購熱潮，網上更炒高至200英鎊。

香港每個定價$120，每人限買兩個（７月６日出售）

本來我都有諗過買架，放番出去有ｓｏ嘛，但估死佢一定會勁多人排隊，所以都係算巴啦。

其實早係４號我已經係佢地ｓｈｏｐ問過有幾多個會放出黎，咁當然佢地會答你唔知啦，但我心諗講野啦你，點會唔知丫，我都見到有貨係舖頭，我仲叫佢俾我睇過，我拎過上手玩過一輪架。咁講真個貨都幾大，做手袋都唔錯，冇拉鍊，質地鞋鞋地咁囉，＄１２０仲係牌子嘢都ｏｋ咁囉。

今朝校錯咗個鬧鐘，所以放咗半日，我咪特登去中環睇吓咩形勢囉，（好到已經係１０點左右）嘩．．．．ｌａｎｄｍａｒｋ果度抽筋多人呀，我諗都有幾千人呀，跟住我去ｉｆｃ睇吓，又係嘩．．超爆多人囉，仲要好笑到，排咗２條隊，一條係Anya Hindmarch 安排的正式ｌｉｎｅ（係商場大堂某個位）一條係市民自己整造出黎的（係正Anya Hindmarch 門口）

由於太多人同太亂的關係，佢地全線唔開門喎～真係攪笑。

我仲聽到有人話ｉｆｃ５號下午排隊的人，Anya Hindmarch幫咗佢地做登記呀，唔知係咪真呢，如果係佢地就實俾人嘈死喇，話明６號先開售，冇乜理由５號就同人做登記嘛。

香港人真係乜屎都排一餐架，　仲要攪到ｌａｎｄｍａｒｋ封咗幾條電梯，攪到好多人受影响，最好笑係ｔｈｒｅｅ　ｓｉｘｔｙ本來係一個ｓｕｐｅｒｍａｒｋｅｔ，　都要ｃｌｏｓｅ唔做生意，　想去買野食果ｄ人都入唔到去呀。

唔知聽日會唔會登報紙呢?

個人無聊真係無辨法，未夠鐘咁都要走去沙田行一陣，(係自己一條冷喎）
又唔知做乜買咗２支指甲油，一個爸爸。之後先坐火車出去．．．去邊．．．咪去尖咀囉，我今晚去睇煙花嘛（但肥野要返工，陪唔到我去呀）

出到去都未係時候，咪去ｈａｌｌ　１０行吓囉，冇人喎，影幾張相先。

之後諗住行吓星光大道啦，撞鬼囉～好鬼多人呀，個個一早走去霸個靚位，真係有得分咩？

好在我今日係上船睇咋，要我咁等法，我返屋企睇好過囉。幾經辛苦終於行得番去鐘樓果度喇！

６點左右我地係上船，（我地隻船睇過其他果ｄ好多）上船都唔係一件易事呀，勁驚險囉，上咗幾個，隻船就俾ｄ浪西走，點都靠唔到岸，係船上面果ｄ就勁搖，佢地話好似係入面玩緊海盜船咁喎。>>做乜咁肉緊阿米, 放開kk隻手先上到船架～跳過去啦～

攪咗一輸終於上齊人，走得。點知．．．．開咗船無耐，小歌就話 想嘔，可能佢玩咗２次海盜船啦，我咪教佢用我果招絕技，我尼招果然架勢哩。之後小艾又好似唔係好掂，原來佢好怕海架，佢為咗我地有得玩，今次真係好好好偉大呀！

船家駛咗我地去避風塘，避風塘果然神奇呀，一入去即刻冇晒事，定過係平地呀～

　你睇幾多船係度等。

　尼隻船好靚呀！！

未有野睇，當然係開餐先啦，　都幾有水準架，隻碟ｄ質素都好高架，唔係紙架，係好靚嘅膠黎架。

差唔多夠鐘，你睇大家幾合作，　乖乖除鞋。

８點就有激光ｓｈｏｗ睇，　仲有煙火效果添呀。之前同阿ｂｅ係岸上睇過一次，原來係海度睇係好唔同架．．咩唔同．．．咪就係聽唔到音樂囉，都唔知做緊乜鬼野，唔係幾好睇囉。

之後就到今晚的戲肉喇．．．．．７１煙花賀回歸

睇完之後我地去咗老麥食野吹水

今日

真係要 小艾呀～～錫晒你呀～你今日好成功呀～～～

阿ｂｅ要返工，俾條片你睇吓啦

幾個星期前，林師奶買左部ｗｉｉ返屋企，一向爛玩嘅我就梗係即刻約個時間去玩啦。

本來諗住我自己去玩架咋，因為ｂｆ好難就時間，但有 玩，都係預埋佢啦。

開始時梗係玩ｄ低ｂ　ｇａｍｅ熱吓身，熟習吓個控制先啦。（原來玩起上黎都幾好笑架，雖則有ｄ都唔知玩緊乜，係咁搖吓個掣就過關架喇）之後我地就打保齡，其實都好易玩架咋，只要記得個位，次次都ｓｅｔ番咁上吓位置就好易全中架喇，但點解有人打先咁架～～１＆２（林生兩公婆）我都唔差，有第３，都過百架！至於肥野．．．唔好講喇，自己睇啦．．

跟住玩左個好似飛行棋的ｇａｍｅ，要鬥多星，我今次勁呀，ｗｉｎ左

跟住玩ｂｏｘｉｎｇ，嘩．．超好玩呀，我諗用黎減肥應該唔錯。

　我打低肥野呀～

你睇我地玩得幾認真，仲越玩越熱呀，開住冷氣仲要

４個人好似傻左咁起勢係咁 。

跟住玩埋ｃｏｏｋｉｎｇ　ｍａｍａ就返屋企囉～

但ｃｏｏｋｉｎｇ　ｍａｍａ都係ｎｄｓ好玩ｄ呀，係個電視度好難操控呀！

等我總結吓今日玩過的ｇａｍｅ先：
１．ｍｉｎ　ｇａｍｅ

２．保齡

３．Mario Party  

４．ｔｅｎｎｉｓ

５．ｂｏｘｉｎｇ

６．ｃｏｏｋｉｎｇ　ｍａｍａ

１５／６的行程好豐富呀！

上個月做完body check終於有報告喇～所以放一日假去睇，基本上都冇乜問題～有果ｄ都係小問題，放心晒！！你咪激我呀，我暈俾你睇架

攪掂之後我地去左食番茄牛肉撈蛋～尼間鋪一ｄ都唔起眼架，要搵都唔係咁易，但ｄ野真係好好味

食飽之後去紅磡攞番我的細相簿同簽名布，今次終於冇問題喇～攪掂之後又去埋伊甸園攞ｖｉｐ咭（今日好多人結婚呀，打令話全場的新郎都唔夠佢俊喎～真係飽死荷蘭豆呀

之後本來諗住去黃埔睇介指，但又怕會，　我要返去同爸爸食父親節飯，（今日食冇咁多人嘛）～所以都係去沙田行下算喇。

沙田太耐冇行喇，原來有好大的轉變呀（西田）

晚餐我地食意大利野，好好味呀～